Bismillahi Rahmani Rahim
Assalamu Alaikum Warahmatullahim Wabarakatu
إِنّ الْحَمْدَ ِللهِ نَحْمَدُهُ وَنَسْتَعِيْنُهُ وَنَسْتَغْفِرُهُ وَنَعُوْذُ بِاللهِ مِنْ شُرُوْرِ أَنْفُسِنَا وَمِن سَيّئَاتِ أَعْمَالِنَا مَنْ يَهْدِهِ اللهُ فَلاَ مُضِلّ لَهُ وَمَنْ يُضْلِلْ فَلاَ هَادِيَ لَهُ ، أَشْهَدُ أَنْ لاَ إِلهَ إِلاّ اللهُ وَأَشْهَدُ أَنّ مُحَمّدًا عَبْدُهُ وَرَسُوْلُهُ، اَللَّهُمَّ صَلِّ وَسَلِّمْ عَلَى سَيِّدِنَا مُحَمَّدٍ وَعَلى آلِهِ وِأَصْحَابِهِ وَمَنْ تَبِعَهُمْ بِإِحْسَانٍ إِلَى يَوْمِ الدّيْن،
قَالَ اللهُ تَعَالَى فِي الْقُرْآنِ الْكَرِيْمِ، أَعُوْذُ بِاللهِ مِنَ الشَّيْطَانِ الرَّجِيْمِ، يَاأَيّهَا الّذَيْنَ آمَنُوْا اتَّقُوا اللهَ حَقَّ تُقَاتِهِ وَلاَ تَمُوْتُنّ إِلَّا وَأَنْتُمْ مُسْلِمُوْنَ، وَقَالَ:
مَنْ عَمِلَ صالِحاً مِنْ ذَكَرٍ أَوْ أُنْثى وَهُوَ مُؤْمِنٌ فَلَنُحْيِيَنَّهُ حَياةً طَيِّبَةً وَلَنَجْزِيَنَّهُمْ أَجْرَهُمْ بِأَحْسَنِ ما كانُوا يَعْمَلُونَ
صَدَقَ اللهُ الْعَلِيُّ الْعَظِيْمُ وَصَدَقَ رَسُوْلُهُ النَّبِيُّ الْكَرِيمُ وَنَحْنُ عَلَى ذَلِكَ مِنَ الشَّاهِدِينَ وَالشَّاكِرِينَ وَالْحَمْدُ اللَّهِ رَبِّ الْعَالَمِينَ.
ALHAMDULILLAH… Masarro malangnyingi karaeng Allahu swt, karaeng iyya ampanjariyai matea kammayya tompa karaeng iyya ampanjariyai tallasaka, lantaran napakjarina tallasaka karaeng Allahu swt, sanggenna naki niak umpaki assibuntuluk ri anne Tampaka,Ri AL-MASJIDU BAITUN MINBUYUTILLAH, Masigika iyamiantu merupakan ballakna Karaeng Allahu Swt, semoga ri allo jumaka anne, syaidul ayyam,sikuntu do’a, cita-cita, siagang harapanta, nakabulkangi Karaeng Allahu swt. Nasabak masarro upakmi tau niaka kija nisare tallasak ri Karaeng Allahu swt, nanajarreki tappakna, nanapoto tamaroka,naparek taggallang puli-puli, tamammayukan ri arusuk takammayya, tamasayuka ripanggoda, tajappoka rierok katojengan, tabentereka rigauk kabajikang.
Naribokoanna maemaki nani’parampe sallam pappakasalamak mange ri Nabita Muhammad saw, Nani kanang Allāhumma shalli ‘ala Muhammad ‘abdika wa rasulika an-nabiyyil ummiyyi wa ‘ala alihi wa shahbihi wa sallim”. Nasabak iyya Nabi ampaka’rangi tapperek katojenganga, nanagulung sikamma gau’ kebatilanga iyareka gauk kakodianga, ampaumbai singarak kabuyu-buyua, ampattasaki sassing makkapuka, angngangkaki battu rilikuna dosa – dosayya, nanapanaik ri empoang masunggua, poro ,napangngerangnganki pappijokjo, pappilajaran ma’arenga Agama islam, mange risikuntu ummat rupatawwa, risipampanna anne A’langa.
Kami utusan Smp Islam Tangnga parang.., akan menyampaikan khutbah singkat yang berjudul : Keutamaan Bersedekah
Sebagaimana dalam pribahasa…. Tangan diatas lebih baik, daripada tangan dibawah.., ini selajan dengan sabda Nabi Muhammad saw
ALYADUL ULYA’ KHAIRUN MINALYADIL SUFLA
Bahasa mangkasarakna…, anjo assarea, labbi bajiki daripada nisarea, lima ratea labbi bajiki daripada lima rawayya.
Hadirin jamaah jum’at Rahimakumullah….
Parallu nisseng angkanayya.., tena dalil qur’an siagang hadist, ampakasingaraki angkanayya, antu assidakkayya naerangki mange ri kasi-asia, iyyannajiyya sibalikna, antu assidakkayya… naerangki mange ri kagannakkanga.
Rimasalana anne passidakkayya.., niak sikedde carita, rilalang hadist yang diriwayatkan imam Attirmizi dan imam Ahmad,
Riwaktunna lanapare Karaeng Allahu swt anne linoa.., maka anne linoa bergetar…napareki Karaeng Allahu swt linoa siagang gununga, gunung dan bumipun terdiam…,
Akhirna herang ngasengi sikuntu malaikatka, kemudia akkutaknangmi sikuntu malaikatka..?
Ya Rabbi…. E…Karaeng… apakakah niak risikuntu bate pareknu, labbi kassak daripada gunung..? najawabki karaeng Allahu swt, niak… iyamiantu bassia,
Siagang sikuntu malaikatka akkutaknangi pole…?
Ya Rabbi….E…Karaeng… apakakah niak risikuntu bate pareknu, labbi kassak daripada Bassia…?
najawabki karaeng Allahu swt, niak… iyamiantu pepeka..,
Siagang sikuntu malaikatka akkutaknangi pole…?
Ya Rabbi…. E…Karaeng… apakakah niak risikuntu bate pareknu, labbi kassak daripada pepeka..?
najawabki karaeng Allahu swt, niak… iyamiantu jekneka.
Siagang sikuntu malaikatka akkutaknangi pole…? Ya Rabbi…. E…Karaeng… apakakah niak risikuntu bate pareknu, labbi kassak daripada jekneka..? najawabki karaeng Allahu swt, niak… iyamiantu anginga..,
Hadirin jamaah jum’at Rahimakumullah….
Nasabak sannak umpai penasarangi anne malaikatka.., akkutaknangi pole, Ya Rabbi…. E…Karaeng… Apakah risikuntu bate pareknu, iyya nusabbuka sumpae, niakka labbi hebatkangngan…?
najawabki karaeng Allahu swt…, niak… iyyamiantu amalak anak cucu Adam, tereami anjo….? Assidakka lima kananna, sementara lima kairinna tena naissengi.
SUBHANALLAH…..Ternyata yang paling dahsyat adalah sedekah…
Hadirin jamaah jum’at Rahimakumullah….….Punna injo sumpae caritayya, pakkutaknanna malaikatka, sekarang pakkutaknanna rupatawwa,
Apa pakkutaknanna rupatawwa..? punna kasi-asia, tena doikku… tena barang-barangku, tena niak lakupassidakkang…? Langsung dijawab imam abu khuraira radiallahu anhu….. Rasulullah saw bersabda : setiap pattangkeang batang kalenna Rupatawwa, iyyamiantu wajib assidakkah, setiap allo, selama ambua’ umpai matanna Alloa.
Hadirin walhadirat rahimakumullah….
Tereamianjo pattangkeang batang kalea, takrekeng passidakkah…?
Pertama : TA’DILU BAYINAS NAINI SHODAQOH
Bahasa mangkasarakna: punna nudamaikangi rua tau beserek, nupaminro assibajiki, iyyamiantu passidakkah.
Kedua : WATU’INUR RAJULA FI-DABBATIHI, FATAHMILUHU ALAYIHA, AWUTAR-FA’U LA-HU ALAYIHA, MATA-‘AHU SHODAQOH
Bahasa mangkasarakna : Punna nubantui sekrea tau, appanaik barang-barangna riotona, iyyamiantu passidakkah.
Ketiga : WALKALIMATUT TAYYIBATU SHODAKAH
Bahasa mangkasarakna : Setiap kana-kana mabajika assuluk ribabanu iyamiantu passidakkah
Keempat : WABIKULLI HUDWATI TAMSYYIHA ILA SHOLATI SHODAQOH
Bahasa mangkasarakna : Setiap angkat bangkennu, mange rimasigika, iyyamiantu passidakkah.
Hadirin jamaah jum’at Rahimakumullah….
Dan yang Kelima : WATUMI-TUL ADZA ANITTARI-QI SHODAQOH
Bahasa mangkasarakna : Punna niaki nupalesang, injo angrompayya riakrunganga iyamiantu passidakkah. Semoga ikkate ngaseng anne, niakjaki anjari ahli sedekah, amin yarabbal a’lamin
بَارَكَ اللهُ لِيْ وَلَكُمْ فِي الْقُرْآنِ الْعَظِيْمِ، وَنَفَعَنِيْ وَإِيَّاكُمْ بِمَا فِيْهِ مِنَ اْلآيَاتِ وَالذِّكْرِ الْحَكِيْمِ، وَتَقَبَلَّ اللهُ مِنِّيْ وَمِنْكُمْ تِلاَوَتَهُ، إِنَّهُ هُوَ السَّمِيْعُ الْعَلِيْمُ. أَقُوْلُ قَوْلِيْ هَذَا وَأَسْتَغْفِرُ اللهَ الْعَظِيْمَ لِيْ وَلَكُمْ وَلِسَائِرِ الْمُسْلِمِيْنَ
Ditulis Oleh : Abd. Rahman Rabai S.pd
