Bismillahi Rahmani Rahim
Assalamu Alaikum Warahmatullahim Wabarakatu
إِنّ الْحَمْدَ ِللهِ نَحْمَدُهُ وَنَسْتَعِيْنُهُ وَنَسْتَغْفِرُهُ وَنَعُوْذُ بِاللهِ مِنْ شُرُوْرِ أَنْفُسِنَا وَمِن سَيّئَاتِ أَعْمَالِنَا مَنْ يَهْدِهِ اللهُ فَلاَ مُضِلّ لَهُ وَمَنْ يُضْلِلْ فَلاَ هَادِيَ لَهُ ، أَشْهَدُ أَنْ لاَ إِلهَ إِلاّ اللهُ وَأَشْهَدُ أَنّ مُحَمّدًا عَبْدُهُ وَرَسُوْلُهُ، اَللَّهُمَّ صَلِّ وَسَلِّمْ عَلَى سَيِّدِنَا مُحَمَّدٍ وَعَلى آلِهِ وِأَصْحَابِهِ وَمَنْ تَبِعَهُمْ بِإِحْسَانٍ إِلَى يَوْمِ الدّيْن،
قَالَ اللهُ تَعَالَى فِي الْقُرْآنِ الْكَرِيْمِ، أَعُوْذُ بِاللهِ مِنَ الشَّيْطَانِ الرَّجِيْمِ، يَاأَيّهَا الّذَيْنَ آمَنُوْا اتَّقُوا اللهَ حَقَّ تُقَاتِهِ وَلاَ تَمُوْتُنّ إِلَّا وَأَنْتُمْ مُسْلِمُوْنَ، وَقَالَ:
مَنْ عَمِلَ صالِحاً مِنْ ذَكَرٍ أَوْ أُنْثى وَهُوَ مُؤْمِنٌ فَلَنُحْيِيَنَّهُ حَياةً طَيِّبَةً وَلَنَجْزِيَنَّهُمْ أَجْرَهُمْ بِأَحْسَنِ ما كانُوا يَعْمَلُونَ
صَدَقَ اللهُ الْعَلِيُّ الْعَظِيْمُ وَصَدَقَ رَسُوْلُهُ النَّبِيُّ الْكَرِيمُ وَنَحْنُ عَلَى ذَلِكَ مِنَ الشَّاهِدِينَ وَالشَّاكِرِينَ وَالْحَمْدُ اللَّهِ رَبِّ الْعَالَمِينَ.
ALHAMDULILLAH… Masarro malangnyingi karaeng Allahu swt, karaeng iyya ampanjariyai matea kammayya tompa karaeng iyya ampanjariyai tallasaka, lantaran napakjarina tallasaka karaeng Allahu swt, sanggenna naki niak umpaki assibuntuluk ri anne Tampaka,Ri AL-MASJIDU BAITUN MINBUYUTILLAH, Masigika iyamiantu merupakan ballakna Karaeng Allahu Swt, semoga ri allo jumaka anne, syaidul ayyam,sikuntu do’a, cita-cita, siagang harapanta, nakabulkangi Karaeng Allahu swt. Nasabak masarro upakmi tau niaka kija nisare tallasak ri Karaeng Allahu swt, nanajarreki tappakna, nanapoto tamaroka,naparek taggallang puli-puli, tamammayukan ri arusuk takammayya, tamasayuka ripanggoda, tajappoka rierok katojengan, tabentereka rigauk kabajikang.
Naribokoanna maemaki nani’parampe sallam pappakasalamak mange ri Nabita Muhammad saw, Nani kanang Allāhumma shalli ‘ala Muhammad ‘abdika wa rasulika an-nabiyyil ummiyyi wa ‘ala alihi wa shahbihi wa sallim”. Nasabak iyya Nabi ampaka’rangi tapperek katojenganga, nanagulung sikamma gau’ kebatilanga iyareka gauk kakodianga, ampaumbai singarak kabuyu-buyua, ampattasaki sassing makkapuka, angngangkaki battu rilikuna dosa – dosayya, nanapanaik ri empoang masunggua, poro ,napangngerangnganki pappijokjo, pappilajaran ma’arenga Agama islam, mange risikuntu ummat rupatawwa, risipampanna anne A’langa.
Kami utusan Smp Islam Tangnga parang.., akan menyampaikan khutbah singkat yang berjudul : Kepada Siapa Kita Bersedekah
Hadirin jamaah jum’at rahimakumullah
Bulang rumalanga iyamiantu bulang passidakkah, semangat siagang niatta untuk assidakkah ri anne bulanga, attimbo subur ri allo-allo bulan rumalanga, tamat-tamae nipakasingaraki keajaiban sedekah, sehingga anjo hartata a’barakkaki siagang tattambai,
Injomi nabiasa niak tau bingun, angkanayya tamae injo lanisalurkan doi passidakkayya, sitojeng-tojengnna, tikamma anjuranna islamga, rilalang assare passidakkah.
Hadirin jamaah jum’at rahimakumullah
Secara umum, anjo passidakkaya kita bisa berikan kepada siapa saja, sesuai firmanna karaeng Allahu swt,rilalang surah al-Baqarah ayat 215:
Battuanna : Punna nipakkutaknangangi angkanayya, barang-barang apa saja lakupassidakkan ? kira-kira pak… Barang-barang apanta lakipassidakkang…? Terea hartata lakipassidakkang…? Inai-nai laki sare passidakka….?
Apakah lanisareangi ammaka siagan bapaka….?
Apakah lanisareangi bija pammanakanga …..?
Apakah lani sareangi anak kukang niaka rikamponta, sipakir miskin,atau tau niaka dalam perjalanan….? Iyyareaka lanisareangi sikola agamayya ?
pakkutaknanna ayatka rate sompae, kira-kira terea jawabanna…..?
Hadirin jamaah jum’at rahimakumullah
Punna tenapa kipahangi, maemaki naki pilangngeri bajik-bajik inne bicarayya, secara khusus, Ibnu Qudamah Ri Lalang Kitta’na Ma’arenga Muhtasar Minhajul Qashidin, nasabbuki beberapa kriteria, yang berhak annarima passidakkah, iyamiantu :
Pertama : iyamiantu tau niaka tappak rikaraeng Allahu swt,Rasulullah saw telah memberi isyarat,angkanayya nalarangki angngundang tau fasik dalam jamuan makan, yang kita adakan, beliau bersabda :
عَنْ أَبِيْ سَعِيْدٍ عَنِ النَّبِيِّ صَلَّى اللهُ عَلَيْهِ وَسَلَّمَ قَالَ لاَ تُصَاحِبْ إِلاَّ مُؤْمِنًا وَلاَ يَأْكُلْ طَعَامَكَ إِلاَّ تَقِيٌّ
Dari Abu Sa’id dari Nabi shallallahu ‘alaihi wa sallam, beliau bersabda, “Janganlah engkau berteman kecuali dengan orang mukmin, dan janganlah memakan makananmu kecuali orang yang bertakwa.”
Hadirin jamaah jumat berbahagia
Assare passidakka mange ritau senggea angaukan panggaukan dosa, iyamiantu assingkammaji ambantui untuk ampakalompoi nikanayya panggaukang dosa nagaukanga,tapi anne hadistka tangai larangan mutlat, boleh jadi niak kondisi, untuk appakainga’ mange ritau tulu niaka tallang rigau’dosa, sehingga salah sekre carana iyamiantu assidakkah kanre atauka rimaraenganna.
Hadirin jamaah jumat berbahagia
Kedua : iyyamiantu niboyai tau niaka annuntuk pangngissengan.labbipayya nikanayya sikolah agama,
Yang dimaksud annuntuk pangngissengan bukan berarti tau niaka assikolah iyareka akkuliyah, namun berilmu dalam arti mampu mengelolah harta yang ada, tangai tau boros.
Karaeng Allahu swt berfirman dalam qur’an surah An-Nisa ayat 6 :
Bahasa mangkasarna, teako passareangngi passidakkanu mange ritau tenayyapa nasempurna akkalakna, harta iyya niaka rikatte, napanjari karaeng Allahu swt, sebagai pokok katallassang, karna katte ngaseng anne, erokki hartata iyya niaka nipassidakkang akbarakka siagang berbuah untuk waktu labattua, sehingga akkulei napagguna mange ri kabajikanga.
Hadirin jamaah jumat berbahagia
Ketiga : iyyamiantu tau niaka ammake harga diri, siagang naissengi hakekatna nikanayya dalle
Battuanna…. Anjo passidakkata, iyyareka sumbanganta, secara khusus nipassareang mange ri tau tenayya nappalak-palak secara berlebihan, apalagi anjo tawwa tenaja nanaparalluangi anjo sumbanganta, nasabak ripassimbangenta budaya apapalak-palak sannakmi angngakak, padahal anjo sannak makruh-nah rilalang agama islamnga.
Narikammanamianjo tau parallua nisare bantua, iyyamiantu tau niaka angngissengi hakeka’na nikanayya rezki battu ri karaeng Allahu swt, battuanna tena nanggapki ikatte inne taussarea, sebagai dewa penolong mange ri iyya. Tapi nasadari angkanayya anjo rezkiya, semata-mata battu rikaraeng Allahu swt, Cuma melalui perantara battu rikatte tussarea.
Situruk firmanna karaeng Allahu swt,
Berinfaqlah mange ri tau fakirka, iyya niaka ri jalanna karaeng Allhu swt, nasabak tenanamo namampu a’usaha ritompokna anne lino, siagang tau tenayya nappalak-palak battu ritau kalumannyanga, siagang tena nappalak-palak secara berlebihan. (Qs. Al- Baqarah 273)
Hadirin jamaah jumat berbahagia
Yang ke empat, : secara khusus nipassareang passidakkayya mange ribija pammanakang paling lalanga, sesuai hadist Rasulullah Rasulullah saw, assidakkah mange ritau miskinga, anggappai sekre pahala, siagang assidakka mange ribija pammanakanga, anggappai rua pahala.
Iyamiantu pahala sedekah siagang pahala bersilaturahim, ( HR. Tirmidzi )
Maemaki nanibunga-bungai kehidupanta nasabak passidakkah, situruk anjuran siagang syariat,sehingga passidakkata bernilai barkah, agar kesempurnaan pahala kita tercatat diakhrat nanti, selamat bersedekah dan semoga rezki kita terus bertambah, amin, amin yarabbal alamin.
بَارَكَ اللهُ لِيْ وَلَكُمْ فِي الْقُرْآنِ الْعَظِيْمِ، وَنَفَعَنِيْ وَإِيَّاكُمْ بِمَا فِيْهِ مِنَ اْلآيَاتِ وَالذِّكْرِ الْحَكِيْمِ، وَتَقَبَلَّ اللهُ مِنِّيْ وَمِنْكُمْ تِلاَوَتَهُ، إِنَّهُ هُوَ السَّمِيْعُ الْعَلِيْمُ. أَقُوْلُ قَوْلِيْ هَذَا وَأَسْتَغْفِرُ اللهَ الْعَظِيْمَ لِيْ وَلَكُمْ وَلِسَائِرِ الْمُسْلِمِيْنَ
Penulis : Abd Rahman Rabai S.pd
By Ayyaseveriday.com
