Bismillahi Rahmani Rahim
Assalamu Alaikum Warahmatullahi Wabarakatuh
ALHADULILLAH…ALHADULILLAHIL LADZI NAHMADUHU WA NASTA’ĪNUHU WA NASTAGHFIRUHU, WA NA’ŪDZU BILLĀHI MIN SYURŪRI ANFUSINĀ WA MIN SAYYI-ĀTI A’MĀLINA. MAN YAHDIHILLĀHU FALĀ MUDHILLA LAHU, WAMAN YUDHLIL FALĀ HĀDIYA LAHU. ASYHADU ANLĀ ILĀHA ILLALLĀHU WAHDAHU LĀ SYARĪKA LAHU, WA ASYHADU ANNA MUHAMMADAN ‘AMBUHU WA RASŪLUHU. MAN-LA-NABIYA BA’DA,
ALLAHUMMA SHALLI WASALLIM WABARIK ALA HAZAL NABIYIL KARIM, SYAIDINA WAMAULANA MUHAMMAD SAW, WA’ALA ALIHI WA’ASHABIHI AJ’MAIN, FA-YA AYYU HAL KHADIRUN U-SIKUM WANAFSI BITAQWALLAH, WA’TO’ATIHI LA’ALLAKUM TUPLIHUN,QALALLAHU TABARAKA WA’TA’ALAH FIL-QUR’ANIL KARI, A’ŪDZUBILLĀHI MINASY SYAITHĀNIRRAJĪM,
YĀ-AYYUHALLADZĪNA ĀMANŪT TAQULLĀHA HAQQA TUQĀTIHĪ, WA LĀ TAMŪTUNNA ILLĀ WA ANTUM MUSLIMŪN. FA QA-LA TA’ALAH FI AYATINUKHRA, INNĀ A’TAINĀKAL-KAUSAR, FA SALLI LIRABBIKA WAN-HAR, INNA SYĀNI`AKA HUWAL-ABTAR
Hadirin kaum muslimin jamaah jumat yang dimuliakan Allah
Naiyya kana papparapa cidongta anne tampaka, massarro malakbirika nikanang anne waktua, kana sukkuru’ pammujia rikaraeng Allahu swt, karaengnna sikuntu alamnga, lollong bonena, massarroa kuasana, tenayya singkammanna sampak juluna, iyyaji karaeng parallu nisomba, nipappalakki ri sikamma hajja’ pangngujunginta, anjariyya sikamma pattujunna, risikamma mahallukna, nakipakemo pakeang tangkasaka, namalanyying, ammake minyak-minyak, baukna rasanna ammelak rasa kacci ammuangngan sirik-sirik, annallangngang sifat assikurisi. sitallangngan risakra zikkiritta.
Sallang pappasalama senang tiasa kita kirimkan mange rijunjungang na’bitta Muhammad SAW, Iya Nabi a’jari suro mange ritompo’na linoa anne, taena maraeng poro ampacinikangki singara’ siagang pappijo’jo mange rikasalamakkanga, baji ri lino la’bipa ia ri allo Anja.
Tabe Lompo, sebagai pappasang ri khutbahku ri anne waktua iyamiantu :
Pillimangi Pakkiokna Kuburanga Lalanna Siallo
Hadirin kaum muslimin jamaah jumat yang dimuliakan Allah
Rilalang kitab Daqoiqul Akhbar, assingkamma pole najelaskanga rilalang hadist sunan attirmidzi juz 4 halaman 639 angkanayya antu kuburanga nakiokki pilliman lalanna siallo, antu kuburangan biasai nikana alam barzah, rilalng hadis HAMZAH MARRATIN, Pillimanki nakiok lalanna siallo, siagang rilalang riwayat lain SABA’A MARRATIN PINTUJUNGKI NAKIOK LALANNA SIALLO,
Tapi anjo pakkiokna kuburanga tena nalanggereki tolingna rupatawwa, nakana Nabita Muhammad saw, pakkiona kuburanga yang
Pertama : nakana pakkiokna kuburuka Ana Baitul Wahdah, wahai calon-calon penghuniku? Inekkemi anne ballak akkale-kale, maka angngerang memangmako bekal battu rilinoa, apa bokong lanierang untuk antamak rialang barzahna karaeng Allahu swt ? BIQIRA’ATIL QUR’AN nipakajai ammacayya al qurangan, nasabak punna niak umpai nyawayya rilalang batang kalea, maka kipakajia laloi baca quranganta, nasabak ikatte yakin dan percaya angkanayya anjo quranganga adalah pedoman hidup kita sebagai manusia, sebagai orang yang beriman kepada Allah swt, nasabak antu quranganga punna nibacai maka nabattuiki kedamaian rilalang atia, karaeng Allahu swt menghadirkan ketenangan dalam hati kita, injo punna attallasak kijaki rilinoa, tikammami punna anjarimaki mayat sudah terbujur kaku dialam kubur, maka qur’an lebbaka nibaca, anjari agang rilalang kuburuk,
Napunna niak umpaki attallasak pakajai laloi baca qur’an nu
إِقْرَؤُالْقُرْاآنَ، فَإِنَّهُ يَأْتِيْ يَوْمَ الْقِيَامَةِ شَفِيْعًا لِأَصْحَابِهْ
Kammami anjo nakanana Rasulullah saw rilalan hadist imam muslim, bacai qur’anga nasabak sitojeng-tojengna antu quranganga lebbaka nubaca , sallak lanjari syafaat, penolong mange ritau ambacayyai, innemi panggilan quburuka yang pertama Ana Baitul Wahdah,
Hadirin kaum muslimin jamaah jumat yang dimuliakan Allah
yang kedua : nakana pakkiokna kuburuka Wa ana Baituz Zhulma, inekkemi anne ballak sassang, FANNAWWIRUNI BISSALATIL LAIL, maka singarri’i kuburannu nasabak sambayang tahajjud, inne situruk kananna Karaeng Allahu swt rilalang surah al isra ayat 79
وَمِنَ ٱلَّيْلِ فَتَهَجَّدۡ بِهِۦ نَافِلَةً لَّكَ عَسَىٰٓ أَن يَبۡعَثَكَ رَبُّكَ مَقَامًا مَّحۡمُودٗا
Battu risebahagian bangngia, ambaunko assambayang tahajjud, sebagai tambahan ibadah battu rikaraeng Allahu swt, mudah-mudahan karaeng Allahu swt, na angkatki derajatka battu ritampak yang terpuji,
Ikattemi anne tau hebat, sibuk punna allo,tapi niak umpa waktunna ambaung tangnga bangngi assambayang tahajjud, bermunajab kepada Allah, punna niak dosata maka appalak popporoki rikaraeng Allahu swt, punna niak hajat ta maka appalako mange rikaraeng Allahu swt, kalau minta tolong maka minta tolonglah kepada Allah,
إِذَا سَأَلْتَ فَاسْأَلِ اللهَ ، وَإِذَا اسْتَعَنْتَ فَاسْتَـعِنْ بِاللهِ
Maka sambayang tahajjud nigaukanga ritallasakta rilino, anjari cahaya rilalang kuburuk, kuburan sassanga sallak lanisingarri battu ri sambayang tangnga bangngita, inne maka rua pakkiokna kuburanga wa’ana baitul zulmah inekkemi anne ballak sassing maka singarri anne ballak sassanga dengan sambayang tahajjud
Yang ke tiga : nakana pakkiokna kuburuka Wa ana Baitul Turob inekki anne ballak sangin butta, rawana butta, ratena butta, kiri kanan butta, tapperekna butta, rupanna nipadallek mae ri kiblaka niparakki riringring kuburka, apa battuanna ? punna anne ruh niaka ribatang kalea, nicabut battu rijazadka, maka jazad ini hanyalah setumpuk daging busuk yang akan menjadi santapan cacing tanah, nakana kuburuka inekkemi anne ballak sangin butta, maka angngerangko tapperek battu rilinoa, FAHMILUL FIRAS BIL AMALISSOLIH, erangi tapperekna, erangi katingroannu dengan apa ? nipakajai amal saleh,
Anne allowa niak umpaki battu assambayang jum’at, sempat umpaki assidakka limassabbu, sampulo sabbu, sempat umpaki ampalesangi garompok niaka ritangnga akrunganga, nanipanjari amal shaleh, untuk anjari katinroang rilalang kuburuka, nasabak rilalang kuburuka ikatte anne tangaiki tamu istimewa ridallekanna karaeng Allahu swt,
Hadirin kaum muslimin jamaah jumat yang dimuliakan Allah
Yang keempat : nakana pakkiokna kuburuka Wa ana Baitul Aaa fa’I, inekkemi anne ballak sanging binatang buas, iyangaseng binatang buaska niak ngasengi rinekke nakana kuburuka, ulara, kalajengkin, sikuntu mahluk Allah, yang menjadi rahasia Allah, anjari ancaman rikatte ngaseng rilalang kuburuka, nasabak kuburanga tangai tampak terakhir battu ritau niaka tappak RiKaraeng Allahu swt, tapi injo awal dari segala-galanya, bahagia atau celaka tergantung ibadah kita selama hidup didunia, maka erang memangmi penawar battu rilinoa, apa penawar lanierang antamak rikuburuka, iyamiantu ammaca Bismillahi Rahmani Rahim,
كُلُّ أَمْرٍ ذِيْ بَالٍ لاَ يُبْدَأُ فِيْهِ بِسْمِ اللهِ الرَّحْمنِ الرَّحِيْمِ فَهُوَ أَبْتَرُ
Inai-nai tau appanggaukang kabajikang, natena namulai ammaca Bismillahi rahmani Rahim, maka tappukmi sikuntu pahalana, punna lakimulai sekrea jama-jamanta, saat langnganreki, lattinroki, lammakeangki, saat lamaeki ri kantorta, kimulai sikuntu aktifitas ta dengan membaca Bismillahi Rahmani Rahim,
Hadirin kaum muslimin jamaah jumat yang dimuliakan Allah
Yang kelima atau yang terakhir : nakana pakkiokna kuburuka Wa ana Baitul Su’ali Munkar wa Nakir, inekkemi anne ballak pakkutaknanna mungkar siagang nakir, Man Rabbuka? (Siapa Tuhanmu?) Ma Dinuka? (Apa agamamu?) Man Nabiyyuka? (Siapa Nabimu?) Ma Kitabuka? (Apa kitabmu?)Aina Qiblatuka? (Di mana kiblatmu?) Man Ikhwanuka? (Siapa saudaramu? Kunnemaki anne lanakutaknan mungkar nakir, maka kisiapkanmi bekalta rilino, apa bekalta lanierang antamak rikuburuka, tena maraeng Lailaha illalah Muhammadarrasulullah, nipakajai angkanangi Lailaha illalah Muhammadarrasulullah, tena karaeng passangalinna karaeng Allahu swt, siagang Nabi Muhammad suro tunipitappakna karaeng Allahu swt.
Semoga katte ngaseng anne antamakjaki rigolongan tau tappak rikaraeng Allahu swt. Amin ya Rabbal A’lamin
BARAKALLAHU LII WA LAKUM FILL QUR’AANIL AZHIIM WA NAFA’NII WA IYYAAKUM BIMA FIIHI MINAL AAYAATI WA DZIKRIL HAKIIM. AQUULU QOWLII HADZAA WA ASTAGHFIRULLAAHA LII WA LAKUM WA LISAA IRIL MUSLIMIINA MIN KULLI ZANBIN FASTAGHFIRUUHU INNAHU HUWAL GHAFUURUR RAHIIMU.
Ditulis oleh : Abdul Rahman Rabai S.pd
