Bismillahi Rahmani Rahim
Assalamu Alaikum Warahmatullahim Wabarakatu
إِنّ الْحَمْدَ ِللهِ نَحْمَدُهُ وَنَسْتَعِيْنُهُ وَنَسْتَغْفِرُهُ وَنَعُوْذُ بِاللهِ مِنْ شُرُوْرِ أَنْفُسِنَا وَمِن سَيّئَاتِ أَعْمَالِنَا مَنْ يَهْدِهِ اللهُ فَلاَ مُضِلّ لَهُ وَمَنْ يُضْلِلْ فَلاَ هَادِيَ لَهُ ، أَشْهَدُ أَنْ لاَ إِلهَ إِلاّ اللهُ وَأَشْهَدُ أَنّ مُحَمّدًا عَبْدُهُ وَرَسُوْلُهُ، اَللَّهُمَّ صَلِّ وَسَلِّمْ عَلَى سَيِّدِنَا مُحَمَّدٍ وَعَلى آلِهِ وِأَصْحَابِهِ وَمَنْ تَبِعَهُمْ بِإِحْسَانٍ إِلَى يَوْمِ الدّيْن،
قَالَ اللهُ تَعَالَى فِي الْقُرْآنِ الْكَرِيْمِ، أَعُوْذُ بِاللهِ مِنَ الشَّيْطَانِ الرَّجِيْمِ، يَاأَيّهَا الّذَيْنَ آمَنُوْا اتَّقُوا اللهَ حَقَّ تُقَاتِهِ وَلاَ تَمُوْتُنّ إِلَّا وَأَنْتُمْ مُسْلِمُوْنَ، وَقَالَ:
مَنْ عَمِلَ صالِحاً مِنْ ذَكَرٍ أَوْ أُنْثى وَهُوَ مُؤْمِنٌ فَلَنُحْيِيَنَّهُ حَياةً طَيِّبَةً وَلَنَجْزِيَنَّهُمْ أَجْرَهُمْ بِأَحْسَنِ ما كانُوا يَعْمَلُونَ
صَدَقَ اللهُ الْعَلِيُّ الْعَظِيْمُ وَصَدَقَ رَسُوْلُهُ النَّبِيُّ الْكَرِيمُ وَنَحْنُ عَلَى ذَلِكَ مِنَ الشَّاهِدِينَ وَالشَّاكِرِينَ وَالْحَمْدُ اللَّهِ رَبِّ الْعَالَمِينَ.
ALHAMDULILLAH… Masarro malangnyingi karaeng Allahu swt, karaeng iyya ampanjariyai matea kammayya tompa karaeng iyya ampanjariyai tallasaka, lantaran napakjarina tallasaka karaeng Allahu swt, sanggenna naki niak umpaki assibuntuluk ri anne Tampaka,Ri AL-MASJIDU BAITUN MINBUYUTILLAH, Masigika iyamiantu merupakan ballakna Karaeng Allahu Swt, semoga ri allo jumaka anne, syaidul ayyam,
sikuntu do’a, cita-cita, siagang harapanta, nakabulkangi Karaeng Allahu swt. Nasabak masarro upakmi tau niaka kija nisare tallasak ri Karaeng Allahu swt, nanajarreki tappakna, nanapoto tamaroka,naparek taggallang puli-puli, tamammayukan ri arusuk takammayya, tamasayuka ripanggoda, tajappoka rierok katojengan, tabentereka rigauk kabajikang.
Naribokoanna maemaki nani’parampe sallam pappakasalamak mange ri Nabita Muhammad saw, Nani kanang Allāhumma shalli ‘ala Muhammad ‘abdika wa rasulika an-nabiyyil ummiyyi wa ‘ala alihi wa shahbihi wa sallim”. Nasabak iyya Nabi ampaka’rangi tapperek katojenganga, nanagulung sikamma gau’ kebatilanga iyareka gauk kakodianga, ampaumbai singarak kabuyu-buyua, ampattasaki sassing makkapuka, angngangkaki battu rilikuna dosa – dosayya, nanapanaik ri empoang masunggua, poro
napangngerangnganki pappijokjo, pappilajaran ma’arenga Agama islam, mange risikuntu ummat rupatawwa, risipampanna anne A’langa.
Kaum muslimin jamaah jum’at yang insya Allah dirahmati Allah
Khutbah yang berjudul : TAHUN BARU DAN POLITIK ISLAM
Attallasak ri tompokna anne linoa tenamo nakkulle niulangi, mati hanya sekali, attalasak harus punya arti, mati punya kebaikan, Tahun 2023 sudah berakhir, tahun 2024 didepang mata, tak perlu banyak dirayakan yang perlu hanya kesadaran, tidak perlu pesta menyambuk tahun baru, tapi yang diperlukan adalah tapakkur kepada Allah swt.
Meniti jalan di atas rakit, pelan melangkah agar tidak terjatuh, tidak pantas kita saling mencelah sebagai satu umat junjungan Rasul perbanyak zdikir dan tasbih agar selalu ingat kepada Rabbi
Pergantian tahunga iyamiantu hal yang lumrah, sunnatullah, assingkamma assisambeangnna alloa siagang bangngia, narikammanami anjo teamaki ammakei music, teamaki ammakei disko teamaki akbokingi Hotel,
Akkullea niukrangi ri pergantian tahunga iyamiantu tanggal siagang tahun kalassukanta, naniparessa kale, angkanayya leremi bedana ritaung kalassukanku siangang ri anne tahun 2024, kemungkina ambanini nikanayya kamateang situruk ri qur’an Surat Al-Hasyr Ayat 18
يَٰٓأَيُّهَا ٱلَّذِينَ ءَامَنُوا۟ ٱتَّقُوا۟ ٱللَّهَ وَلْتَنظُرْ نَفْسٌ مَّا قَدَّمَتْ لِغَدٍ ۖ وَٱتَّقُوا۟ ٱللَّهَ ۚ إِنَّ ٱللَّهَ خَبِيرٌۢ بِمَا تَعْمَلُونَ
E… sikamma tau matappaka, passukuki tappaknu, nanuperhatikan apa lebak nugaukang untuk allo ammukoa, nasabak karaeng Allahu swt sannak naissenna apa-apa iyya lebbak nipanggaukangngan.
حَاسِبُوا أَنْفُسَكُمْ قَبْلَ أَنْ تُحَاسَبُوا، وَزِنُوها قَبْلَ أَنْ تُوزَنُوا، وَتَأهَّبُوا لِلْعَرْضِ الْأَكْبَرِ
Pare-paressa memangmi kalenta sebelum naparessaki karaeng Allahu swt, nasabak sallomaki nasare Allah Ta’Alah tallasak, kitimbang-timbangmi umurukta, mulaiki ambaung attinro tettereka kisinta HP iyareka angngalle jekne sambayang, 24 jam nasareangki Allah Ta’Alah waktu, siapa waktu kipake akhirat siagan siapa waktu kipake untuk lino, apakah sialo labbi jai kigaukang panggaukan ibadah, atau labbi jai panggaukang dosa.
Tahun 2023 allolominjome, teamaki pusing ka allalomi, punna niak lebbak ampakrisi atinta, punna niak lebbak angkecewakanki, punna lebbaki terpuruk, punna lebbaki amma’bung ambaungki nimenteng bajik-bajik, 2024 teamaki panjari ajang mencetak dosa baru,
Maemaki naki massing angngukkuruki panggaukanga, teamaki ukkuri panggaukanna tau maraenga, nasabak ukurang pakaiyang napakaea tau maraenga, berbeda dengan pakaian nipakea, ukkuranna kebahagiaanga tangai doi’ tangai ballak mewah, tangai jabatan tinggi, tapi ukkuranna nikanayya kebahagiaan iyamiantu ketatan kepada Allah swt.
surah Al-Hujurat ayat 10:
إِنَّمَا ٱلْمُؤْمِنُونَ إِخْوَةٌ فَأَصْلِحُوا۟ بَيْنَ أَخَوَيْكُمْ ۚ وَٱتَّقُوا۟ ٱللَّهَ لَعَلَّكُمْ تُرْحَمُونَ
Battuanna : “sitojeng – tojengnna tau berimanga itu bersaudara. Narikammana mi punna niak ripassembangenta assisalah paham, damaikanlah, iyareka kibajiki pole hubunganna ruayya sakribattanta, iyyaniaka assisalah, nasabak kamallakanta rikaraeng Allahu swt, , anggapa nikanayya rahmat.”
Amin yarabbal A’lamin…
بَارَكَ اللهُ لِيْ وَلَكُمْ فِي الْقُرْآنِ الْعَظِيْمِ، وَنَفَعَنِيْ وَإِيَّاكُمْ بِمَا فِيْهِ مِنَ اْلآيَاتِ وَالذِّكْرِ الْحَكِيْمِ، وَتَقَبَلَّ اللهُ مِنِّيْ وَمِنْكُمْ تِلاَوَتَهُ، إِنَّهُ هُوَ السَّمِيْعُ الْعَلِيْمُ. أَقُوْلُ قَوْلِيْ هَذَا وَأَسْتَغْفِرُ اللهَ الْعَظِيْمَ لِيْ وَلَكُمْ وَلِسَائِرِ الْمُسْلِمِيْنَ
