Bismillahi Rahmani Rahim
Assalamu Alaikum Warahmatullahim Wabarakatu
إِنّ الْحَمْدَ ِللهِ نَحْمَدُهُ وَنَسْتَعِيْنُهُ وَنَسْتَغْفِرُهُ وَنَعُوْذُ بِاللهِ مِنْ شُرُوْرِ أَنْفُسِنَا وَمِن سَيّئَاتِ أَعْمَالِنَا مَنْ يَهْدِهِ اللهُ فَلاَ مُضِلّ لَهُ وَمَنْ يُضْلِلْ فَلاَ هَادِيَ لَهُ ، أَشْهَدُ أَنْ لاَ إِلهَ إِلاّ اللهُ وَأَشْهَدُ أَنّ مُحَمّدًا عَبْدُهُ وَرَسُوْلُهُ، اَللَّهُمَّ صَلِّ وَسَلِّمْ عَلَى سَيِّدِنَا مُحَمَّدٍ وَعَلى آلِهِ وِأَصْحَابِهِ وَمَنْ تَبِعَهُمْ بِإِحْسَانٍ إِلَى يَوْمِ الدّيْن،
قَالَ اللهُ تَعَالَى فِي الْقُرْآنِ الْكَرِيْمِ، أَعُوْذُ بِاللهِ مِنَ الشَّيْطَانِ الرَّجِيْمِ، يَاأَيّهَا الّذَيْنَ آمَنُوْا اتَّقُوا اللهَ حَقَّ تُقَاتِهِ وَلاَ تَمُوْتُنّ إِلَّا وَأَنْتُمْ مُسْلِمُوْنَ، وَقَالَ:
مَنْ عَمِلَ صالِحاً مِنْ ذَكَرٍ أَوْ أُنْثى وَهُوَ مُؤْمِنٌ فَلَنُحْيِيَنَّهُ حَياةً طَيِّبَةً وَلَنَجْزِيَنَّهُمْ أَجْرَهُمْ بِأَحْسَنِ ما كانُوا يَعْمَلُونَ
صَدَقَ اللهُ الْعَلِيُّ الْعَظِيْمُ وَصَدَقَ رَسُوْلُهُ النَّبِيُّ الْكَرِيمُ وَنَحْنُ عَلَى ذَلِكَ مِنَ الشَّاهِدِينَ وَالشَّاكِرِينَ وَالْحَمْدُ اللَّهِ رَبِّ الْعَالَمِينَ.
ALHAMDULILLAH… Masarro malangnyingi karaeng Allahu swt, karaeng iyya ampanjariyai matea kammayya tompa karaeng iyya ampanjariyai tallasaka, lantaran napakjarina tallasaka karaeng Allahu swt, sanggenna naki niak umpaki assibuntuluk ri anne Tampaka,Ri AL-MASJIDU BAITUN MINBUYUTILLAH, Masigika iyamiantu merupakan ballakna Karaeng Allahu Swt,
semoga ri allo jumaka anne, syaidul ayyam,sikuntu do’a, cita-cita, siagang harapanta, nakabulkangi Karaeng Allahu swt. Nasabak masarro upakmi tau niaka kija nisare tallasak ri Karaeng Allahu swt, nanajarreki tappakna, nanapoto tamaroka,naparek taggallang puli-puli, tamammayukan ri arusuk takammayya, tamasayuka ripanggoda, tajappoka rierok katojengan, tabentereka rigauk kabajikang.
Naribokoanna maemaki nani’parampe sallam pappakasalamak mange ri Nabita Muhammad saw, Nani kanang Allāhumma shalli ‘ala Muhammad ‘abdika wa rasulika an-nabiyyil ummiyyi wa ‘ala alihi wa shahbihi wa sallim”. Nasabak iyya Nabi ampaka’rangi tapperek katojenganga, nanagulung sikamma gau’ kebatilanga iyareka gauk kakodianga,
Ampaumbai singarak kabuyu-buyua, ampattasaki sassang makkapuka, angngangkaki battu rilikuna dosa – dosayya, nanapanaik ri empoang masunggua, poro ,napangngerangnganki pappijokjo, pappilajaran ma’arenga Agama islam, mange risikuntu ummat rupatawwa, risipampanna anne A’langa.
Dalam kesempatan khutbah jumat ini, perkenankan Khatib membawakan tema khutbah : Lima hikmah Dari peringatan kelahiran Nabi besar Muhammad saw.
Niak rua kata sannak populerna, niak nikana MAULID siagang Maulud, punna MAULID berarti tampak siagang waktu kalassukang, sedangkan Maulud iyamiantu beja-beja nilassukang, jari punna niak beja-beja nilassukang berarti Maulud
Rilalang konteks kalassukana Nabi Muahammad saw, MAULUNNABI maksudnya ikatte ngaseng anne parallui ni isseng sosok kepribadian, inai anjo sitojeng-tojengnna Nabi Muahammad saw
Sementara MAULID tampak siagang waktu, battuanna sikuntu perjalan tallasakna Nabi Muahammad saw,mulai lassukna sanggena wafat,
Rikammanami anjo sannak mustahilna, punna sekre waktu iyareka sekre tampak acara maulid naibicarakang ngaseng sikuntu episode katallassanna mulai beja-beja sanggenna wafat, enam puluh tiga tahun, sikeddekji akkulle nipabattuangki, rikammanami anjo nomorok
- Nipiukrangiangi ummaka antikamma anjo sosokna nabiullah Muhammad saw, nasabak loe ummat islam tena naissengi tikamma anjo nabbia, nasabak punna nissengmi anjo nabiullah Muhammad saw, pasti ningaimi, napunna ningaimo nipinawangmi ajaran iyyalebbaka naerangnganki, nasabak anjo nabita
قُلْ اِنَّمَآ اَنَا۠ بَشَرٌ مِّثْلُكُمْ
Pawwangi wahai Nabi, angkanayya inakke anne Basyarum, dari segi fisik assingkammajaki, ulunna ratei bangkenna rawai, limana rua, accini pake mata, assingkammajaki …. Cuma bedana
يُوْحٰٓى اِلَيَّ اَنَّمَآ اِلٰهُكُمْ اِلٰهٌ وَّاحِدٌۚ
Bedana inekke nisarea wahyu, bimbingan langsung melalui malaikat Jibril battu ri Allah swt,
Sekre waktu niak Arab Badui, mange akkutakna ri sahabat Syaidina Ali, wahai syaidina Ali, tikamma anjo sosokna Nabi Muhammad saw ? nakana syaidina Ali, inekke lakkutaknang tonga, nakana syaidina Ali, sarea gambarang tikamma nikmatna Linoa, si Arab badui bingun, tikammanjo di linoa, pokokna anne linoa nyamangi, Susah nigambarkan, nakana Syaidina Ali, tapi tikamma gambaranna ? nakana syaidina Ali anjo linoa
مَتَاعُ الدُّنْيَا قَلِيْلٌۚ
Katallassan linoa sikedde’katallassang linoa bodo-bodoi, siangan tena nilai na ri dallekanna karaeng Allahu swt, assikedde siagang bodo-bodo tena nussengi nugambarkan? apalagi anne nicaritayya sosok yang agung, nakana syaidina Ali, anjo nabiya tulu tassungke limanna, battuanna paling dermawan, nabiyya minjo tulu tassungke atinna, tolerasina tinggi, mudah bergaul, siagang nabiyyaminjo punna tau pertama anciniki langsung segang, tena namalla, tapi wibawah Rasulullah saw, innemi paralluna ni peringati maulid nabiullah Muhammad saw,
Jamaah jum’at tau toa sakri battang yang dimulikan Allah
- Untuk assukkuri nikmat passareta karaeng Allahu swt, apa hubunganna angsukkuri nikmat, siagang kalassukanna Nabita ? sekrea tau toa, sannak rannuna, punna nikarunia seorang anak, narikammanami anjo, ikatte ummat muslimnga, labbi lompopayya rannuta nasabak kalassukana Nabi Muhammad saw, niutus rikaraeng Allahu swt, sebagai nabi dan rasul, iyya nabi ampassissengki karaeng Allahu swt, rikammanami anjo, salah sekre wujud kasukkuranna ri kalassukanna Nabita, katte anne nianjurkanki nipakaloe ammacayya shalawat,terutama ri anne allo jumaka, nasabak anne parenta langsung battu rikaraeng Allahu swt, shollu alaihi wasallimu taslima cukuplah engkau bershalawat kepada nabiullah Muhammad saw,
Jamaah jum’at tau toa sakri battang yang dimulikan Allah
- Supaya ikatte anne ummatna Nabi Muhammad saw, nipahami bajik-bajik ajaran islamnga, nasabak jai rupatau tena naissengi ajarang agamana, angtikamma sistimna anne ajaranna agamayya, ekonominya, politiknya, pendidikannya, tikamma mu’amalah pergaulanna, nasabak tena na ulamayyaja, ustadzka harus angngissengi pokok-pokok ajarang agama islamnga, tapi ikatte ngaseng anne ummat islamnga, kunnemi anne riperingatan maulidin nabi Muhammad saw, nipappilajari anjo sumpae
Jamaah jum’at tau toa sakri battang yang dimulikan Allah
- Maulidin nabi mi anne, angngissengi tikamma perjuanganna siagang pengorbana Nabita Muhammad saw, perjuangan nabi Muhammad mulai cakdi-caddi, tena nakasiaki tikamma tikanayya kasih sayang orang tua, katallassang ekonomi masyarakatnya sannak Susana, beda ri zamanta anne, anjomi parallu niteladani battu ri nabita Muhammad saw angkanayya anne tallasaka
لَقَدْ خَلَقْنَا الْإِنْسَانَ فِي كَبَدٍ
Nasabak anne tallasaka sannak loena kasusang, inne parallu nisadari rilalang perjuangan tallasatta, jorekmaki anne angngalle pappilajaran antikamma nabita Muhammad saw anjalani tallasakna, tena tawwa nakkulle menyerah, situruk parentana karaeng Allahu swt
يٰۤاَيُّهَا الۡمُزَّمِّلُ
قُمِ الَّيۡلَ اِلَّا قَلِيۡلًا
e… sikamma tau salimuka, ambaungko naik untuk assambayang, jangan sampai tena naloe sambayang tangnga bangnginu, siagang ammacako qur’an nu sikkirik mange rikaraeng Allahu swt, anne atia, harus online terus mange rikaraeng Allahu swt, jangan sampai sibalikna, tulu online jaki lewat hp ta, nasabak anne urusan linoa tena lebbak-lebbakna, mulai caddi-caddiki sanggena pole mateki tena lebbak-lekbakna urusan lino,
Jamaah jum’at tau toa sakri battang yang dimulikan Allah
- Yang terakhir dari hikmah peringatan maulid nabi Muhammad saw, iyyamiantu katte ngaseng anne teaki tappuki nikanayya silaturahim, kijagai bajik-bajik passakribattanganta, teaki eroki na jinak permusuhan, supaya kamponta anne napaturungi barakkana karaeng Allahu swt, mudah-mudahan ikatte ngaseng anne termasuk ummat nabi Muhammad saw, anggapai syafaatnya dunia sanggena akhirat, Amin yarabbal a’alamin
بَارَكَ اللهُ لِيْ وَلَكُمْ فِي الْقُرْآنِ الْعَظِيْمِ، وَنَفَعَنِيْ وَإِيَّاكُمْ بِمَا فِيْهِ مِنَ اْلآيَاتِ وَالذِّكْرِ الْحَكِيْمِ، وَتَقَبَلَّ اللهُ مِنِّيْ وَمِنْكُمْ تِلاَوَتَهُ، إِنَّهُ هُوَ السَّمِيْعُ الْعَلِيْمُ. أَقُوْلُ قَوْلِيْ هَذَا وَأَسْتَغْفِرُ اللهَ الْعَظِيْمَ لِيْ وَلَكُمْ وَلِسَائِرِ الْمُسْلِمِيْنَ
Ditulis Oleh : Abd Rahman S.pd
